Շրջանառության հարկի հաշվիչ 2026

Ինչպե՞ս է հաշվարկվում շրջանառության հարկը 2026 թվականին

Շրջանառության հարկը վճարում են այն ԱՁ-ներն ու ՍՊԸ-ները, որոնց տարեկան շրջանառությունը չի գերազանցում 115 մլն ֏։ Հարկը հաշվարկվում է եկամտի (շրջանառության) նկատմամբ՝ ըստ գործունեության տեսակի, և կարող է նվազեցվել փաստաթղթավորված ծախսերով, բայց ոչ ցածր օրենքով սահմանված նվազագույն շեմից։

Դրույքաչափերը 2025 թվականից (ՀՕ-285-Ն օրենք)․ առևտուր՝ 10% (նվազագույնը՝ 1%), արտադրություն՝ 7% (նվազագույնը՝ 3%), հանրային սնունդ՝ 12% (նվազագույնը՝ 3,5%), այլ գործունեություն և ծառայություններ՝ 10% (նվազագույնը՝ 4,5%)։ Կառավարության ցանկում ներառված բարձր տեխնոլոգիաների գործունեության համար՝ 1% հարթ դրույք (գործում է մինչև 2031 թ. դեկտեմբերի 31-ը)։

Առանց ծախսերի նվազեցման, հարթ դրույքաչափով. վարձակալական վճար, տոկոս և ռոյալթի՝ 10%, այլ ակտիվների (այդ թվում՝ անշարժ գույքի) օտարում՝ 10%, երկրորդային հումքի առևտուր՝ 5%, խմբագրությունների կողմից թերթերի օտարում՝ 1,5%։ Հոդված 258-ը ծախսերի նվազեցումը տալիս է միայն առևտրին, արտադրությանը, հանրային սննդին և այլ գործունեությանը, ուստի արենդայի կամ գույքի վաճառքի եկամուտը «այլ գործունեություն» նշելը կնվազեցնի հարկը սխալմամբ։

Ծախսերի նվազեցումը․ հարկից հանվում է ծախսերի որոշակի տոկոսը՝ առևտրի դեպքում գնված ապրանքների արժեքի 9,5%-ը, արտադրության՝ 5%-ը, հանրային սննդի՝ 9%-ը, այլ գործունեության՝ 6%-ը։ Եթե ծախսերը մեծ են, հարկը չի իջնում նվազագույն շեմից ցածր, իսկ շեմին հասնելուց հետո ավելցուկային ծախսերը փոխանցվում են հաջորդ եռամսյակ (տարվա ընթացքում)։

Հաշվիչը տալիս է մոտավոր արդյունք մեկ գործունեության համար։ Իրական եռամսյակային հաշվարկում ծախսերը բաշխվում են գործունեությունների միջև, հաշվի են առնվում փոխանցված մնացորդներն ու փաստաթղթերը — դա հենց այն է, ինչ անում է հաշվապահը։