Աշխատավարձի հաշվիչ 2026

Ինչպե՞ս է հաշվարկվում աշխատավարձը Հայաստանում 2026 թվականին

Աշխատավարձից Հայաստանում պահվում է չորս վճար․ եկամտային հարկ, սոցիալական (կուտակային կենսաթոշակային) վճար, առողջության ապահովագրության վճար և դրոշմանիշային վճար։ Բոլորը պահում է գործատուն՝ աշխատակցին փոխանցելով արդեն «մաքուր» գումարը։

Եկամտային հարկը հաշվարկային աշխատավարձի 20%-ն է։ Հարկային արտոնություններից օգտվող ՏՏ ընկերությունների աշխատակիցների համար՝ 10%։

Սոցիալական վճարը պարտադիր մասնակիցների (ծնված 1974-ից հետո) և մինչև 2018-ի հուլիսը կամավոր միացածների համար․ մինչև 500 000 ֏ բազայի դեպքում՝ 5% (ևս 5% հավելում է պետությունը), 500 000-ից ավելիի դեպքում՝ բազայի 10% − 25 000 ֏։ Առավելագույն բազան 1 125 000 ֏ է (նվազագույն աշխատավարձի 15-ապատիկը)․ վճարի առաստաղը՝ 87 500 ֏։ 2018-ի հուլիսից հետո կամավոր միացածների համար՝ բազայի 5%, առավելագույնը՝ 56 250 ֏։

Առողջության ապահովագրության վճարը գործում է 2026-ից․ մինչև 200 000 ֏ աշխատավարձի դեպքում չի գանձվում, 200 001 – 500 000 ֏ դեպքում՝ 4 800 ֏ (պետությունը հավելում է ևս 6 000 ֏), 500 001 ֏ և ավելիի դեպքում՝ 10 800 ֏։

Դրոշմանիշային վճարը մինչև 1 000 000 ֏ բազայի դեպքում 1 000 ֏ է, ավելիի դեպքում՝ 15 000 ֏։

Հաշվիչը ցույց է տալիս մոտավոր արդյունք ստանդարտ ամսական աշխատավարձի համար։ Արձակուրդայինի, նպաստների և ազատման հաշվարկների դեպքում գործում են այլ կանոններ — այդ դեպքերում ավելի հուսալի է հարցնել հաշվապահին։